Edhe pse ishte duke lëvizur shumë në skenë, fansat vunë re se Taylor kishte lënduar gishtin. Ajo tashmë thotë se është “plotësisht mirë” pasi iu zbulua plaga gjatë shfaqjes së saj në Houston, Teksas.
“Për ata që më pyesin si e preva dorën, jam plotësisht mirë dhe ishte plotësisht faji im”, shkroi këngëtarja 33 vjeçare në Twitter, raporton ‘Pagesix‘.
Ajo tregoi se shkeli fustanin e se ra në prapaskenë, e më pas tentoi të mbahej me pëllëmbën e saj.
“Ishte e gjitha shumë e lidhur me Merkur në retrogradë. Mos u shqetëso për mua, unë jam mirë ” tha ajo, duke bërë një referencë astrologjike e cila thuhet se do të sjellë lloje të ndryshme fatkeqësish.
Një komentues shkroi në Twitter: “Burrat anulojnë shfaqjet e tyre sepse godasin gishtin e këmbës në skaj të krevatit ndërsa Taylor Swift performon një shfaqje 3 orëshe me dorën e plagosur”
“Forca jote mendore dhe fizike është vërtet frymëzuese. Faleminderit që na sigurove se je mirë”, ka shkruar një tjetër përdorues, duke e përgëzuar këngëtaren për vazhdimin e performancës.
