Vizitat në Facebook janë pothuajse përgjysmuar në dy vitet e fundit, pasi sipas një studimi, përdoruesit e rinj të internetit preferojnë të përdorin konkurrentin e tij, YouTube-n.
Facebook-u ka pësuar një rënie të konsiderueshme në vizitat mujore të faqes, duke rënë me 3.8 miliardë vizita nga 8.5 miliardë që ka qenë gjatë dy viteve të fundit. Aktualisht ai ka 4,7 miliardë vizita në muaj.
Edhe pse trafiku i aplikacionit në celular është rritur vazhdimisht gjatë asaj periudhe, kjo nuk ka qenë e mjaftueshme për të mbyllur hendekun, thonë ekspertët.
Këto përfundime u nxorën nga firma kërkimore në Londër, SimilarWeb, e cila analizoi trafikun e internetit në pesë faqet e internetit – Google, Facebook, YouTube, Yahoo dhe Amazon.
Sipas tyre, Google ende ka një rol të madh, duke reflektuar dominimin e vazhdueshëm të tij dhe rolin qendror në kërkimin online.
