Pas ndarjes njerëzit mund të përjetojnë ndjenja, të cilat i shtynë ata të bëjnë gjithçka. E kemi fjalën për hakmarrjen!
Një nga fenomenet më të përhapura është ai i publikimit të fotove me përmbajtje erotike.
Ky fenomen konsiston kur një foto mund të jetë nisur në një bisedë private mes dy personash, por më pas është shpërndarë pa aprovimin e dërguesit duke u bërë virale.
Meqë siguria dhe mirëqenia e komunitetit të madh të “Facebook”-ut janë prioritet për këtë kompani, vijnë me një teknologji të re e cila momentalisht është në fazë eksperimentimi në Australi dhe nuk dihet kur mund të jetë e aksesueshme për të gjithë.
“Daily Mail” shkruan se, kjo teknologji është mjaft e thjeshtë, mjafton t’ia dërgosh vetes një foto në “Messenger” para se t’ia dërgosh dikujt tjetër dhe ajo ruhet si e dhënë. Dhe në rast se ky imazh do të postohet nga dikush në të ardhmen, më parë rishikohet automatikisht dhe fshihet para se të postohet, pasi përputhet me të dhënat e imazhit tuaj të ruajtur.
