Vetëm një muaj më parë mbarë opinioni shqiptar u trondit nga aksidenti tragjik ku humbën jetën tre fëmijët dhe babai i tyre, Edmond Preka 43-vjeç, Noemi 10-vjeçe, Ajseli 5 vjeçe dhe Rajani 8-muajsh.
E mbijetuara e vetmja e këtij aksidenti ishte Evis Preka, nëna e tre fëmijëve. Një dhimbje e madhe e papërballueshme për zemrën e një nëne që i’u shua familja para syve. Askush nuk merrte guximin t’i tregonte të vërtetën e dhimbshme.
Ditën e sotme Ajsel do të festonte ditëlindjen dhe halla e saj e ka uruar me një postim në “Facebook”. Në urimin e kunatës ka komentuar edhe Evisi, e cila i ka përlotur të gjithë me fjalët e saj.
“Engjëlli i mamit, Ajseli i shpirtit tim!”- ka shkruar Evis Preka.
Ndërkohë që një person tjetër e ngushëllon për humbjen e saj të madhe, Evisi ka shprehur gjendjen e saj të rënduar shpirtërore.
“Faleminderit për ngushëllimet! Unë si nënë nuk kam fjalë me u shpreh se në shpirt jam e mbaruar. Ju luta Zotit shumë për ato fëmijë, por Zoti nuk më dëgjoi. Ato tre yje janë tashmë jeta ime përgjithmonë. Dikur Zoti mi dhuroi mua ato, ndërsa sot ai mi mori prapë për t’u kujdesur atje lart për to”, ka shkruar Evisi në komentin e saj.
