Moderatorja Eva Murati në një intervistë për emisionin “Thumb” deklaroi publikisht se Luana Vjollca nuk është tek shembujt që ajo ndjek në jetë.
Eva në moshën 9-vjeçare, ka qenë këngëtare soliste në shkollë, dhe është pyetur nga “Thumb” se nëse do të ndiqte hapat e Luanës si këngëtare dhe moderatore.
“Vetëm nëse kam një projekt serioz do i futem këngës. Sepse në treg ka boll këngëtare. Nuk është Luana te shembulli që dua të ndjek në jetë”,- u shpreh pa hezituar Eva.
Pak orë më vonë, pasi deklarata e Evës pushtoi mediat online, ka ardhur edhe reagimi i Luanës, e cila ka postuar një foto nga makina, të cilën e ka shoqëruar me disa fjalë që vijnë si një kundërpërgjigje ndaj Evës.
“Nëse do të më garosh mua, më thuaj. Unë tashmë kam fituar”, shkruan Luana duke e hedhur edhe ajo “thumbin” e vet ndaj koleges së saj.
