Ditën e sotme e ftuar në emisionin “Pop Culture” ishte moderatorja e njohur Nevina Shylla, e cila si rrallëherë ka dhënë një intervistë ku ka zbuluar shumë të vërteta rreth saj.
Ndër të tjera Nevina ka folur edhe për marrëdhënien e saj me moderatoren tjetër, Eva Muratin. Dy vajzat iu kanë lënë përshtypjen të gjithëve sikur kanë qenë shoqe të ngushta, por që tashmë janë larguar shumë nga njëra-tjetra.
Nevina ka thënë se ato nuk kanë qenë asnjëherë shoqe të ngushta, por bashkë i ka lidhur vetëm puna.
“Nuk e di pse është krijuar ideja se ne kemi një marrëdhënie shoqërie të ngushtë. Jemi njohur në xhirimet e një filmi dhe aty kishim rolin e dy shoqeve të ngushta, unë isha protagoniste. Pas filmit rrugët tona u ndanë”, tha Nevina.
Moderatorja e “Pop Culture” insistoi duke e pyetur nëse ka pasur ndonjë zënkë mes tyre për shkak të roleve në film.
“Nuk jemi zënë, thjesht na janë ndarë rrugët. Rolin protagonist unë nuk ja mora askujt, por ma dhanë”, përfundoi Nevina.
