Pavarësisht se duhen disa muaj që “Eurovision”-i të ngjisë në skenë këngëtarë nga e gjithë bota, ka nisur përgatitja e vendit ku do të mbahet festivali në Lisbonë.
Florian Wieder është njeriu që qëndron pas dizajnit të skenës së “Eurovision”-it në Dyseldorf, Baku, Vjenë dhe Kiev (në vitet 2011, 2012, 2015 dhe 2017).
Duke u bazuar në sloganin “Të gjithë në bord” të “Eurovision”-it dhe të logos së frymëzuar nga deti, skena ka si ide “një anije dhe pasqyron historinë dhe kulturën e Portugalisë”.
“Historia e pasur portugeze si një komb detar pasqyron, pa asnjë kufi, të gjitha vlerat që e bëjnë “Eurovision”-in unik sot. Portugalia dhe sidomos Lisbona mbartin vlera historike të pasurua nga përshtypjet e kulturave të zbuluara rishtazi. Kjo është kryesisht për shkak të marinarëve portugezë, të cilët udhëtuan në det me guxim dhe aftësisë së jashtëzakonshme të lundrimit”, tha Wieder në deklaratën për EBU.
“Koncerti i “Eurovision 2018” do t’ju çojë në një ekspeditë përmes kulturave të ndryshme në Evropë dhe në mbarë botën. Një udhëtim nëpër detet e larta të muzikës, që vazhdon të zbulojë, të lidhë dhe në fund të bashkojë kombet. Portugalia qëndron për të bashkuar vendet dhe kulturat e tyre. Në vitin 2018 Portugalia do të bashkojë muzikën e Evropës. Me këtë fazë të “Eurovision”-it, Portugalia do të jetë navigator dhe busull sërish”.
Nga ana tjetër thuhet se skena do të realizohet me një buxhet të caktuar, duke u përpjekur që të organizojnë “Eurovision”-in më të lirë ndonjëherë.
“Kemi të gjithë strukturën e nevojshme që duhet për të organizuar skenën. Kemi të gjitha mundësinë për ta krijuar vendin pa shpenzuar shumë para”, shprehet një nga organizatorët.
Burimi: Wiwibloggs
