Estela Ujka në 5 prill priti vajzën e saj të tretë, të cilën zgjodhi ta lindte në Shtete e Bashkuara të Amerikës.
Blogerja e njohur vendosi t’ia prezantojë ndjekësve të saj në Instagram të voglën e saj 4 ditë pas lindjes, por duke u kujdesur që të mos e zbulojë plotësisht fytyrën e saj. Jo vetëm kaq, por Estela na befasoi të gjithëve me emrin e veçantë që kishte zgjedhur për vajzën e saj të tretë.
Damar Brooklyn quhet vogëlushja e cila lindi 3.982 gr dhe 51 cm e gjatë, një bukuroshe që ka rrëmbyer zemrat e të gjithëve.
Në një intervistë për “Living” Estela zbuloi edhe kuptimin e veçantë të emrit të vajzës.
“Doja një emër shqiptar, që të tingëllonte bukur dhe të mbaronte me bashkëtingëllore, si Lorest dhe Sharm”, është shprehur Estela për “Living”.
Ndërsa midis emrave Brooklyn, Bronx dhe Manhattan blogerja e njohur zgjodhi Brooklyn duke qenë se këtu i erdhi fundi pritjes së ëmbël.
Nga fotot e publikuara Damar duket një bebe e shëndetshme dhe shumë e ëmbël.
