Pas dorëzimit të bujshëm ditën e martë, Klement Balili i njohur ndryshe me emrin “Eskobari i Ballkanit” ka rrëfyer sesi u arratis nga policia në 2016-n.
Në një intervistë për gazetarin Artan Hoxha në “Report Tv”, Balili thotë se vendosi t’i fshihet policisë për shkak të mungesës së provave në Shqipëri ndaj tij.
Ai shpjegoi dhe arsyen e vetëdorëzimit duke shtuar se tashmë që çështja është në duart e autoriteteve shqiptare dhe jo atyre greke, do të jetë në duart e drejtësisë.
Pjesë nga intervista me gazetarin Hoxha:
Kur vendosët të largoheshit nga banesa dhe të fshiheshit nga policia?
Nga fillimi dhjetorit u bë një operacion në 2016 në shtëpi
Une kisha lëvizur atë ditë kur mora vesh që ishte bërë kontrolli në shtëpi, u fsheha
Pse e menduat shmangien nga arrestimi?
Nuk kishte prova këtu dhe unë mund të qëndroja në burg sa të mbaronte çështja në Greqi
Po mund të qëndronit në burg dhe të përballeshe, nëse ju jeni i bindur që nuk ka prova…
Drejtësia nuk kishte dokumentet e duhura që të më çonte në gjykatë
Mbas më shumë se 2 vjet e gjysmë ju dorëzoheni pse pikërisht në këtë moment?
Po në këtë moment kam marr njoftim nga avokati që ka ardhur dokumentacioni për t’u gjykuar që çeshtja ime i kalon drejtësisë shqiptare. Nga ky moment që çështja ime i kalon drejtësisë shqiptare unë jam i gatshëm t’i paraqitem drejtësisë.
