Para pak kohësh reperi Cozman i surprizoi të gjithë teksa konfirmoi lidhjen e tij të re me një brune seksi, me të cilën pozoi në rrjete sociale. Një vajzë e quajtur Fjolla, që është partnerja e reperit, postoi në foto me Cozman dhe ky i fundit e ripostoi në llogarinë e tij.
Pasi e bënë publike marrëdhënien, Cozman filloi të publikonte të tjera imazhe dhe video romantike duke treguar se kishte rënë në dashuri kokë e këmbë me Fjollën.
Gjërat mes duket se ishin bërë serioze ,aq sa ata të dy pushuan me të afërmit e njëri-tjetrit gjatë këtij muaji, por nga vëzhgimet e IconStyle kuptuam se çifti nuk janë më bashkë.
Ata kanë fshirë fotot me njëri-tjetrin dhe nuk ndiqen në InstaGram.
IconStyle kontaktoi me Fjollën dhe rrëfeu se i kishte dhënë ajo fund lidhjes.
“Arsyeja e ndarjes janë dallimet e mëdha, pikëpamjet e ndryshme për jetën, asgjë personale”,- tregoi Fjolla për IconStyle.
Ajo shtoi se nuk mendon ribashkimin me reperin e njohur.
Hera e fundit që dëgjuam nga Cozman para se të bënte bujë me lidhjen ishte janar të këtij viti, kur reperi reagoi i shqetësuar për vrasjen e bujshme të mikut të tij, ish-anëtar i “Babastars”, Albert Krasniqit.
