Andi Artani është një ndër personazhet më të komentuar të sezonit të dytë të “Për’puthen”. Ai bëri bujë goxha të madhe me historinë e tij me Jasminën. Uljet-ngritjet e tyre pushtuan rrjetin si edhe skandalet apo kunjat me njëri-tjetrin.
Pas përfundimit të këtij formati, ish-konkurrentin e pamë në ekran në një emision veror si prezantues dhe duket se pejanit 24 vjeçar i pëlqen shumë bota e televizionit.
Sipas burimeve të “IconStyle.al”, Andi Artani, ka pranuar të jetë pjesë e Big Brother Vip.
Në një nga intervistat e tij në Kosovë, ai nuk e kishte eleminuar si mundësi dhe u shpreh se e tërhiqnin formate të tilla.
Andi është super aktiv edhe në rrjetet sociale si Twitter dhe Instagram, por në këtë të fundit gjithmonë rrëmben vëmendjen me foto sexy duke ekspozuar trupin e tij muskuloz. Përveç fotove janë edhe “captions” e tij , të cilat tërheqin ndjekësit.
Pejani gjithmonë është prezantuar si një djalë, i cili ja di vlerat vetes. Kujtojmë se ai që në hyrje të emisionit u prezantua si “hackeri i femrave” dhe pati nga një takim me pothuajse të gjitha vajzat prezente.
Kujtojmë se edhe pse është ndarë prej kohësh nga Andi, ndjekësit vazhdojnë të jenë të interesuar për lidhjen që Jasmina kishte me ish-konkurrentin e “Për’puthen”.
Së fundmi, ajo ka zbuluar se ka lënë pas çdo mëri dhe keqkuptim që ka pasur me Andin, të cilit i këshillon të njëjtën gjë.
Po ashtu, Jasmina ka dhënë një mesazh publik për Andin, ku ka zbuluar se akoma mban disa rroba të ish-konkurrentit.
“Janë 3 faza kur dy persona zihen: Është faza e inatit, që do të shahemi me njëri-tjetrin, do të mbushemi nga njerëz të tjerë, do ta diskutojmë.
Është faza e dytë që është faza e mohimit që kurrë nuk e pranon që unë kisha faj pse ne dy jemi zënë, gjithashtu as ai personi tjetër.
Gjithashtu është edhe faza e tretë, ajo e pranimit ku ti harron çdo lloj situate, i lë pas vetes dhe tregohesh më i pjekur dhe thua që nuk kam pse mbaj më mëri sepse në fund të ditës më lëndon mua dhe jo personin tjetër.
Andi i ka zgjatur shumë kjo faza kështu që mesazhi im është që duhet të kalosh në fazën e 3-të Andi.
Dhe diçka tjetër, kam dëgjuar se të mungojnë disa bluza, nuk kanë humbur, janë këtu”, është shprehur Jasmina.
