Kourtney Kardashian sapo bëri publike lidhjen e saj të re dhe ku tjetër veçse në Instagram. Fill pasi festuan së bashku Shën Valentinin, 41-vjeçarja dhe Travis Barker pranuan romancën e tyre përmes rrjeteve sociale. Kourtney dhe Travis, 45 publikuan në Instagram-et përkatëse një fotografi, teksa duart e tyre shfaqeshin të ndërthurura me njëra-tjetrën.
View this post on Instagram
“Familja, miqtë dhe fëmijët e saj e pëlqejnë shumë Travis-in”, u tha për “People”.
Ajo çka nisi si një miqësi shumëvjeçare, sot është një marrëdhënie e konsoliduar. Por dikur, sytë e tij ishin thjesht dhe vetëm për Kim-in. Ishte viti 2015, kur në një intervistë për “Us Weekly”, Barker do të pranonte se në një farë mënyrë i kishte rënë në kokë për yllin e “Keeping Up With the Kardashians”.
Teksa u pyet gjashtë vite më parë për romancën e të atëhershme me Paris Hilton-in, kur Kim ishte asistentja e tij, Barker tha:
“Si nuk mund të mos e shihje Kim-in? Më pëlqente të rrija me Parisin, por i dua vajzat e kolme. Nuk mund t’i hiqja sytë nga Kim-i”.
Sidoqoftë, Kim tanimë i përket së shkuarës dhe sipas burimeve për “People”, prej disa muajsh, lidhja e tyre po ecën si mos më mirë. Së fundmi ata ishin në një udhëtim së bashku në Palm Springs, California.
