Modelja 16-vjeçare Kaia Gerber është konkurrentja më e fortë në Instagram e dy supermodeleve më të njohura, Kendall Jenner dhe Gigi Hadid.
Kendall Jenner, Gigi dhe Bella Hadid dhe Cara Delevingne renditen si modelet më të ndjekura në Instagram.
Por, pavarësisht kësaj, Kaia Gerber po i “mund” modelet në një metrikë të rëndësishme të Instagram-it: angazhimin e ndjekësve.
Vajza e supermodelës Cindy Crawford – ishte vetëm 13 vjeç kur nënshkroi një kontratë modelimi me IMG Models dhe që atëherë është quajtur nga redaktorët e modës në të gjithë botën si “një vajzë që duhet pasur në vëmendje”.
Ajo tashmë ka dominuar javët e modës duke sfiluar për Saint Laurent, Prada, Burberry dhe Alexander Wang, por sipas të dhënave të reja të publikuara nga Instagram, modelja është duke shënuar një rritje në radhët e mediave sociale gjithashtu.
W Magazine raporton se Instagrami publikoi një listë me 10 profile të modeleve të cilat kanë më shumë angazhim – një shkallë që mat numrin e njerëzve që pëlqejnë, komentojnë dhe ndajnë mesazhet.
Pavarësisht nga fakti se 2.9 milionë ndjekësit e Gerber-it janë të pakët në mënyrë të konsiderueshme në krahasim me ata të Kendall-87.6 milionë apo të Gigi-38.5 milionë – ajo i mund ato kur është fjala për angazhim, që do të thotë se, sa herë që publikon një foto ose video, fansat e saj e shikojnë atë menjëherë dhe e mbytin me komente dhe pëlqime.
