Familja e George Michael raportohet se ka bllokuar Esther Rantzen nga drejtimi i koncertit në nder të këngëtarit.
Në një intervistë të dhënë për “Pride of Britain Awards”, ditën e hënë, prezantuesja televizive ka thënë se ajo dëshironte të drejtonte një program për të festuar për muzikën e këngëtarit të ndjerë, por familja e tij i ka thënë “jo” kësaj ideje.
Ky lajm padyshim ka ardhur si një goditje e dyfishtë për Esther pasi të ardhurat e këtij eventi do të shkonin për bamirësi, për organizatën “Childline”, të cilën George e ka mbështetur vazhdimisht gjatë karrierës së tij.
Megjithatë ajo ka konfirmuar se të gjitha planet janë bllokuar nga familja e tij, duke thënë:
“Nuk do të ketë një koncert për nder të Geroge Michael pasi familja e tij ka thënë jo. Është një turp i vërtetë, pasi unë doja shumë të festoja muzikën e tij dhe t’i jepja një shans fansave për t’i thënë atij mirupafshim. Ky koncert do të kishte qenë edhe një përfitim për organizatën e bamirësisë gjithashtu”.
Burimi: Daily Mail
