Anna Delvin apo siç njihet me emrin e vërtetë Anna Sorokin, ka deklaruar se po përpiqet të largohet nga “personazhi mashtrues”. Ajo u bë e njohur për marrjen e qindra mijëra dollarëve nga miqtë dhe bizneset duke u paraqitur si një trashëgimtare gjermane.
Anna do shesë 10 NFT që do t’u japin mbajtësve “qasje ekskluzive” ndaj saj, e cila përfshin përfitime si telefonatat individuale, tha ajo në një intervistë të fundit.
Sorokin, e cila është ende në paraburgim nga Emigracioni dhe Doganat po mumdohet në këtë mënyrë të largohet nga bota e mashtrimit.
Sorokin, e njohur gjithashtu me pseudonimin e saj Anna Delvey, kreu rreth katër vjet burg pasi u shpall fajtore për mashtrim. Ajo pretendoi në mënyrë të rreme se ishte një trashëgimtare gjermane me një trashëgimi prej 60 milionë dollarësh dhe tha se po mblidhte fonde për të hapur një klub ekskluziv social në Manhattan.
Ngritja e saj në skenën sociale të Manhattanit, si dhe arrestimi dhe gjyqi i saj pasues, u sollën në serialin e Netflix “Inventing Anna”.
Kur u pyet se çfarë i duket frymëzuese në historinë e saj, Sorokin tha se ajo nuk u dorëzua kurrë dhe se ka gjithmonë një mënyrë për ta kthyer diçka të keqe në diçka të mirë.
Por për temën nëse ajo e kaloi kufirin dhe për bankat që ajo u përpoq të mashtronte ajo u shpreh se kjo ishte padyshim joetike.
“Unë nuk do të inkurajoja askënd tjetër të ndiqte hapat e mia.”
Sorokin shpreson që projektet e saj të ardhshme, si NFT e saj, do t’i japë asaj një shans për të jetuar duke bërë diçka ligjore.
