“Hell’s Kitchen” është një ndër programet më të ndjekura në “Top Channel”, ashtu siç edhe ndër më të komentuarit. Gjuha e ashpër e përdorur prej shefit të kuzhinës Renato Mekolli, nuk duket se është pranuar mirë nga shikuesit, ndërkohë që ai është shprehur se do të përcjellë realitetin që ndodh në një kuzhinë restoranti.
Renato ishte i ftuar në emisionin “Ftesë në 5” për të folur në lidhje me spektaklin, si edhe librin që ka publikuar së fundi me titull “50 shijet e pastave”. Gjatë emisionit, shef Renato tregoi me humor se nervat i ka të trashëguara pak nga Greqia, por jo se shqiptarët janë më të qetë.
“Je kaq i vogël, i imët dhe elegant dhe them nga del gjithë ai zë?” – e pyet moderatorja e “Ftesë në 5”
“Nga nervi moj, që nuk marr kile” – u përgjigj Renato Mekolli.
“Nga e ke trashëguar gjithë këtë nerv, shqiptar është apo është grek ?” –e pyet Bieta.
“Po grek duhet të jetë. Pastaj edhe ne jemi shumë keq, nervat e shqipëtarëve janë o Zot na ruaj” – tha duke qeshur shefi i kuzhinës Renato Mekolli.
