Khloe Kardashian nga dita në ditë pret që të sjellë në jetë fëmijën e parë me Tristan Thompson.
Gjatë pritjes së ëmbël, 33-vjeçarja po e kalon kohën në shtëpinë 1.9 milionë dollarëshe të basketbollistit, që ndodhet pranë një liqeni në Cleveland, Ohio.
Në një shkrim, nëna e ardhshme ndau me ndjekësit disa arsye pse është e lumtur që po jeton në këtë vend.
“Gjërat po vështirësohen dita-ditës dhe unë po bëhem gjithnjë më e paduruar. Kështu që duhet të mbush ditën. Kemi përfundur me dhomën e vajzës”, shkruan Khloe.
Shtëpia ka 4 dhoma gjumi, një dhomë ngrënjeje dhe një kopsht të vogël me pamje nga liqeni Erie, sipas “The Sun”.
Shtëpia, që Tristan bleu në 2015-n, përfshinë një kantinë për verat dhe një piano gjigande.
“Jam me Tristan dhe po shijoj kohën në shtëpi, duke gatuar, duke kaluar kohën me dashurinë time. Çdo ditë bëj 45 minuta ecje. Kemi nisur të shohim emisionin “Billions”. Po përpiqemi që të shijojmë kohën së bashku, por jemi gati për të mirëpritur vogëlushen tonë”, shprehet 33-vjeçarja.
Por ka diçka që i mungon, motrat dhe nëna e saj, bashkë me njerëzit me të cilët është rritur në L.A.
Në fotot e publikuara nga shtëpia ku jeton me partnerin, të krijohet ideja e një ambienti shumë komod dhe të zakonshëm, ndryshe nga motrat e saj.
Burimi: Daily Mail
