Na ndodh të gjithëve! Jemi mirë e bukur, pastaj papritur vritemi diku, lëndojmë një gjymtyr, shpohemi, gërricemi, rrëshkasim, edhe kur s’po bënim asgjë për të rrezikuar një lëndim.
Edhe Orinda Huta ishte duke ecur shumë ngadalë me scooter, kur papritur është rrëzuar dhe lëndimi ka qenë serioz.
Ky aksident ka ndodhur tre ditë më parë, mirëpo ajo është bllokuar prej tre ditësh dhe vazhdon ta ndjejë dhimbjen njësoj.
Në InstaStory, Orinda ka ndarë një foto të plagës që siç tregon, është shumë më keq seç duket dhe ka qenë akoma më keq.
“Ndoshta nuk duket aq e tmerrshme por është shumë më keq seç duket. Të paktën ishte sepse ndodhi 3 ditë më parë dhe po përpiqem ta mjekoj sa më shpesh. Eci me shumë probleme dhe mezi luaj me Atarën. Shkaktar: scooter-i.
Kështu që sa më shumë kujdes dhe avash. (Unë isha avash se mund të kisha përfunduar më keq)”- shkruan ajo.
Që prej ardhjes në jetë të Atarës, llogaria e Orindës në Instagram është mbushur me foto e video të vajzës.
Moderatorja ka treguar se nuk është një nënë shumë e fiksuar, megjithatë ndan shpesh këshilla të nevojshme me nënat e reja në hapësirën e saj publike në Instagram.
