Aktorja e Hollivudit, Naomi Watts, shkëlqeu në tapetin e kuq në Venecia të premten, ku u paraqit për të mbështetur partnerin e saj Liev Schreiber, për filmin e tij të ri, “The Bleeder”.
47-vjeçarja ishte në qendër të vëmendjes me fustanin e saj ngjyrë nude, që shkëlqente dhe nxirrte në pah elegancën e aktores me të çarën që arrinte deri në krye.
Edhe pse me këtë fustan dukej mahnitëse, Naomi u ndal për t’u siguruar se gjithçka ishte nën kontroll për të mos shfaqur më tepër seç duhet.
Me flokët e kapura dhe një makijazh natyral, Naomi shkëlqente pranë partnerit, Liev, 48 vjeç, i cili kishte veshur një smoking të zi. Të dy festuan filmin e tyre të tretë së bashku, premiera e të cilit u dha të premten në festival.
“The Bleeder” është një film biografik amerikan me tematikë sportive, i cili dokumenton jetën e boksierit Chuck Wepner (Schreiber) dhe ndeshjen e tij të vitit 1975 me Muhammad Ali.
*Shfleto galerinë
