Këngëtarja e njohur Mandy Moore është bërë nënë për herë të parë!
Siç bëri të ditur nëpërmjet një postimi të ëmbël në Instagram, ajo dhe partneri i saj, Taylor Goldsmith, janë bërë prindër.
Mandy ka sjellë në jetë një djalë, ndërsa foton e tij e ka ndarë në rrjete sociale duke zbuluar gjithashtu dhe emrin. I vogli quhet Gus dhe ka lumturuar pafund mamin dhe babin.
“Gus është këtu. Djali jonë i ëmbël, August Harrison Goldsmith. Ai ishte i përpiktë dhe erdhi në jetë fiks në ditën e caktuar, duke i lumturuar prindërit e tij. Ishim përgatitur të binim në dashuri, por tejkaloi çdo imagjinatë tonën”-shkroi aktorja.
View this post on Instagram
Moore është shprehur shpesh në intervista që dëshiron fëmijë, por prioriteti i saj ka qenë gjithmonë karriera. Megjithatë, jeta e saj ndryshoi kur mësoi se ishte shtatzënë.
Mandy dhe Taylor u martuan në nëntor të vitit 2018 në Los Angeles, një vit pasi kishin shpallur fejesën dhe tregonin vazhdimisht se ishin super të lumtur në krahët e njëri-tjetrit.
Madje, këngëtarja u shpreh asokohe se kishte gjetur të duhurin!
Më parë, Moore ishte e martuar me Ryan Adams, nga viti 2009 deri në vitin 2016, kur i dhanë fund marrëdhënies së tyre.
