Angelina Jolie është dalluar gjithmonë për kauzat e saj të bamirësisë apo edhe për pjesëmarrjen në organizata të ndryshme që ndihmojnë njerëzit më në nevojë.
Mirëpo së fundmi vetë aktorja ka njoftuar se është dorëhequr si ambasadore e agjencisë së OKB-së për refugjatët UNHCR pas më shumë se 20 vitesh.
“Unë besoj në shumë gjëra që bën OKB-ja, veçanërisht jetët që shpëton përmes ndihmës emergjente.
Unë do të punoj tani me organizata të udhëhequra nga njerëz të prekur më drejtpërdrejt nga konflikti, që u japin zërin më të madh.
Pas mbi 20 vitesh, sot po largohem nga puna ime me agjencinë e OKB-së për refugjatët. Refugjatët janë njerëzit që i admiroj më shumë në botë dhe jam i përkushtuar të punoj me ta për pjesën tjetër të jetës sime”- u shpreh Angelina.
Nga ana tjetër më herët teksa ka folur për problemet me shëndetin mendor ylli i “Eternals” tha për “The Times”:
“Kam pasur një jetë shumë të bekuar, por kam pasur sfidat e mia. Kam pasur PTSD (çrregullim të stresit post-traumatik)”.
”Ju shpesh ndjeni atë ndjenjën e të qenit i thyer dhe të pyesni veten se çfarë jeni në gjendje të bëni dhe duke u shqetësuar se nuk jeni në gjendje të jeni mjaftueshëm për të mbrojtur dhe për t’u kujdesur për ata që doni”.
