Këngëtarja nga Barbadosi di gjithmonë si të jetë joshëse dhe të tërheq vëmendjen e të gjithëve. E veshur në një fustan të stiluar nga Tom Ford, ylli i muzikës botërore Rihanna, është shfaqur në kopertinën e revistës “Vogue” për muajin prill.
28-vjeçarja ka ndarë me lexuesit e revistës shumë gjëra që prekin jetën e saj artistike dhe personale. Ndërsa për herë të parë pranoi të fliste për konkurrencën me klanin e një tjetër këngëtareje të njohur të muzikës R&B dhe pjesë e të njëjtës studio muzikore, Beyonce. Ajo ka thënë se e sheh marrëdhënien e saj me Beyonce si një rivalitet të vazhdueshëm të krijuar nga persona të jashtëm.
Përveç konkurrencës muzikore, ku të dyja këngëtaret kanë publikuar këngë të reja pothuajse në të njëjtën periudhe duke i vënë kështu në garë për vëmendje, një tjetër problem midis tyre është dhe lidhja e shumëpërfolur e Rihanna-s me Jay-Z, bashkëshortin e Beyonce.
Lidhur me këtë çështje vetë RiRi ka thënë: “Publiku u entuziazmua shumë shpejt për një lajm të pavërtetë, dhe kjo bëri që pas një farë kohe ky lajm të transmetohej në variante të ndryshme. Ata krijuan dhe një luftë midis meje dhe Beyonce, e cila mendoj se nuk ka ekzistuar kurrë. Unë nuk zgjohem në mëngjes duke menduar se çfarë do bëj për t’ia kaluar dikujt apo për të krijuar lidhje me një burrë të martuar. Mua më mjafton të bëj atë çka di më mirë të bëj, dhe të jem vetvetja sepse kjo është diçka të cilën askush nuk mund të jetë i aftë ta bëjë”.
Në lidhje me një tjetër aspekt të jetës së saj, një lidhje e dashurie, Rihanna shprehet se: “Axhenda ime është shumë e çmendur këto kohë, do të jetë një sfidë e vërtetë nëse do të vendos të krijoj një marrëdhënie, por kam shpresa!”.
Ndërsa për zhveshjen e saj para dy vitesh, kur mori çmimin “Fashion Icon Award”, Rihanna ka vetëm një peng dhe nuk është ajo që mund të mendoni ju. Rihanna është penduar për faktin që nuk kishte veshur tanga me gurë.
Burimi: Vogue
