Vetëm pak javë pasi zyrtarizoi ndarjen me modelin 25-vjeçar Younes Bendjima, duket se Kourtney Kardashian ka gjetur një të dashur të ri, aktorin 20-vjeçar Luka Sabbat.
Një burim pranë familjes Kardashian ka thënë se, dyshja nuk janë vetëm miq dhe së shpejti do ta bëjnë lidhjen zyrtare.
“Janë të pandashëm. Ai i ka takuar fëmijët e saj më parë dhe nuk po e marrin aspak ngadalë”, shprehet burimi.
Ja gjithçka që duhet të dini për të dashurin e ri të 39-vjeçares:
AI LINDI NË 1997-N
Sabbat lindi më 26 nëntor të 1997-s, kështu që për dy muaj mbush 21 vjeç. Ai lindi në Nju-Jork dhe pjesën më të madhe të fëmijërisë e ka kaluar mes atij qyteti dhe Parisit.
AI ËSHTË AKTOR, MODEL DHE SIPËRMARRËS
Me një nënë stiliste dhe një baba dizajnues mode, nuk është surprizë që rezymeja e tij është shumë e pasur për një 20-vjeçar.
Ai ka luajtur si aktor në serialin “Black-ish” dhe ka qenë model në sfilatën e Kanye West për koleksionin “Yeezy Season 1” në 2015-n. Ai gjithashtu ka sfiluar për “Evian”, “Footlocker”, etj.
Sabbat e cilëson veten si sipërmarrës kreativ, për pozicionet e stilistit, drejtorit krijues dhe dizajnuesit.
AI ËSHTË SHFAQUR ME KOURTNEY NË DISA RASTE
Pavarësisht se nuk e kanë pranuar publikisht lidhjen, të dy janë parë bashkë në disa evente përgjatë këtij muaji.
AI ËSHTË NJË MIK I FAMILJES KARDASHIAN-JENNER
Lidhja e tyre duket se nisi nga miqësia, pasi Sabbat është një mik i afërt me Kendall Jenner, si dhe pjesën tjetër të familjes.
AI ËSHTË I AFËRT EDHE ME BELLA HADID
Postimet në rrjetet sociale kanë treguar se modeli është shok edhe i Bella Hadid.
Burimi: Harper’s Bazaar
