MC Kresha mori një super dhuratë për ditëlindje nga bashkëshortja e tij Erzina dhe e shpërbleu këtë të fundit me dashuri e puthje pafund.
Në videon e publikuar nga miqtë në Facebook, shohim se Erzina e ka gjetur pikën e dobët të partnerit dhe i ka dhuruar atij një gramafon për të dëgjuar muzikë.
Reperi shprehet mjaft i emocionuar për këtë dhuratë, ndërsa e puth Erzinën në mes të miqve dhe provon edhe të ndezë gramafonin që i pëlqeu tej mase.
Kjo është ditëlindja e parë që e gjen Kreshën baba, pasi në muajin qershor partnerja e tij Erzina, solli në jetë një vogëlushe.
Çifti e pagëzoi të voglën me emrin Iza dhe sigurisht që ajo ishte personazhi kryesor i ditëlindjes së të atit.
Megjithëse nuk kemi ende një foto të vajzës së tyre, në rrjet kanë qarkulluar pamje nga festa e ditëlindjes së Kreshës në Kanada, ku shfaqet krah Erzinës.
