“Sopranoja shqiptare, Ermonela Jaho, emocionoi sallën me shfaqjet e saj elektrizuese të “Il trittico” nga Puçini, sepse këndoi në rolin e “Madama Butterfly” në mbarë botën, edhe pse ajo priti deri tani për ta kënduar atë rol në Londër”.
Kështu nis shkrimi i “Independent” kushtuar sopranos së mirënjohur shqiptare, duke u shprehur se Jaho performoi në mënyrë të përkryer.
“Ka disa shfaqje të përsosura, sidomos ajo e tenorit argjentinas, Marcelo Puente, si Pinkerton, performanca e modës së vjetër e të cilit në asnjë mënyrë nuk dëmton bukurinë e qëndrueshme të të kënduarit të tij. Jaho kombinon dobësinë dhe shpirtin, ndërsa herë pas herë shpreh brishtësinë e një kukulle Bunraku me gjuhën e saj të trupit. Dueti i saj i madh me Puente “thërret” deri në qiell dhe solot e saj të gjatë, në të cilën shpresa lufton me frikë na mban të tërhequr. Ajo është “Madama Butterfly” më e mirë që Londra ka parë ndër vite”, përfundon artikulli i faqes prestigjioze.
Burimi: Independent
