Të gjithë e kanë një këngë që i kujton ish-të dashurin. Dhe tani pas albumit të ri të Elvana Gjatës, këtij repertori i shtohet kënga “Gjërat kanë ndryshuar”, me tekst të shkruar nga vetë Elvana dhe që i dedikohet një lidhjeje të marrë fund.
Të gjithë fansat e Elvanës kanë shprehur mendimin e tyre se kjo këngë dhe shumë të tjera pjesë të albumit, janë dedikim për Flor Mumajesin, i cili njihet edhe si ish-i dashuri i këngëtares.
Këtë mendim e ka përforcuar edhe Ermal Mamaqi, i cili pasi ka publikuar një pjesë të një prej këngëve të Elvana nga EP3 në Instagramin e tij, shkruan:
“Shkruaj emrin e ish-it… do i bëhet qejfi”.
Këtij postimi nuk mund t’i rrinte indiferente Klaudia Pepa, e cila pas ndarjes nga Albi Nako shkruan vetëm: “Hah”. Nuk ka nevojë të shprehet akoma më shumë pasi e kuptuam mjaft mirë.
