Ai është një nga zërat më të famshëm shqiparë në Itali dhe së fundmi Ermal Meta ka ardhur në Shqipëri që të këndojë në “Festivalin e Këngës” në RTSH.
Teksa ka arritur në Tiranë dhe ka filluar provat ai në një konferencë për shtyp ditën e sotme ka treguar se në fillim nuk e pranoi ftesën për të qënë pjesë e këtij festivali.
Këngëtari tha se nuk e dinte nëse do të ishte në gjendje të përballonte kaq shumë emocione kur të ngjitej në një skenë kaq të madhe ku këndohej vetëm shqip.
Më tej ai foli edhe për muzikën shqiptare duke thënë: “Kur isha në Shqipëri ndiqja më shumë muzikë klasike, ndikuar nga mamaja. Ndërsa muzika ‘pop’ mori një formë më të theksuar në Itali. Nuk e kam ndjekur shumë muzikën shqiptare. Vetëm disa kam mundur të shoh”.
