Nuk ka pasur asnjëherë vështirësi me femrat para famës dhe sigurisht nuk ka as tani që Ermal Meta është një prej këngëtarëve dhe autorëve të këngëve më të njohura në Itali.
Shqiptari ka treguar për “Vanity Fair” se është beqar për momentin, pasi është ndarë nga partnerja Silvia Notargiacomo. Këngëtari kishte 9 vite e gjysmë që ishte lidhur me spikeren italiane të radios, por tani ka përfunduar çdo gjë:
“Tani nuk jemi më bashkë, por detajet na takojnë neve”.
Pas ndarjes, Ermali tha se është përqendruar në muzikë dhe nuk ka dëshirë të bëjë gjë tjetër. I pyetur nga “Vanity Fair” se çfarë e tërheq te femrat, fituesi i “Sanremo” u shpreh:
“Impakti i parë është aspekti fizik, por më pas duhet të ketë një personalitet të fortë. Kam një dobësi për vajzat që të bëjnë për të qeshur. Nëse nuk ndihem i stimuluar nga këndvështrimi intelektual, emocional, nuk ndjehem i interesuar. Kam pasur mjaft aventura”.
Pas kimisë që shfaqën në Sanremo dhe në emisionin “C’è Posta Per Te”, Ermal Meta dhe Fabrizio Moro, i bënë fansat të imagjinojnë një marrëdhënie romantike mes këngëtarëve. Dikush e tha si shaka se ata mund të jenë “gay”, por Ermali e hodhi poshtë këtë.
Gazetarja më pas i thotë Ermalit se e pëlqejnë edhe homoseksualët, ndaj këngëtari shqiptar tha së të pëlqehesh nga një mashkull është më fantastike:
“Të pëlqehesh nga meshkujt është fantastike. Është më e garantuar sesa nëse i pëlqej një gruaje. Një mashkull i kushton më shumë vëmendje një mashkulli tjetër, sepse ai e di se çfarë do të thotë të jesh i tillë”.
