Ermal Meta ka mbërritur sot në Tiranë për koncertin e tij të dytë, por këtë herë jo vetëm.
Talenti shqiptar u rikthye sërish në kryeqytet për të dhuruar spektakël në një supershfaqje në Pallatin e Kongreseve, bashkë me disa artistë të talentuar italianë të GnuQuartet.
Para koncertit në mbrëmje, artisti shqiptar ka takuar kryebashkiakun Erion Veliaj, me të cilin ka mbjellë një pemë në qendër të Tiranës.
Ai ka realizuar disa foto me grupin dhe pemën e mbjellë që tanimë është një arsye më shumë për të ardhur dhe për ta vizituar Tiranën.
Pavarësisht famës ndërkombëtare, Ermali s’e harron kurrë skenën shqiptare dhe krahas 23 koncerteve në skenat më të mira në 19 qytete italiane, ai do të performojë edhe në Tiranë.
