Ai është padyshim një prej personazheve më komikë të televizionit shqiptar. Por siç mund ta keni mësuar gjatë këtyre viteve, Ermal Mamaqi nuk i bën njerëzit të shkulen së qeshuri vetëm para kamerave të studiove televizive, por edhe në përditshmëri.
Së fundmi, moderatori i njohur ka udhëtuar drejt Saint Tropez në Francë ku po shijon disa ditë pushimi me bashkëshorten Amarda Toska, dhe miqtë e tij, këngëtaren Elvana Gjata, moderatoren Almeda Abazi e cila gjithashtu shoqërohet nga partneri Tolgahan Sayisman.
Dhe siç mund ta merrni me mend, Ermali nuk mund të mos bënte një nga skenat e tij epike. Siç shihet në videon e postuar prej tij në Instagram, Mamaqi shihet mbi një kamardare në formë palloi dhe lëviz mbi të si të ishte një fëmijë i lumtur.
Një gjë e tillë nuk zgjati shumë pasi në një moment, kamardarja rrokulliset dhe Ermali bie në ujë.
“Një baba me dy fëmijë…”-shkruan me humor ai në përshkrimin e videos që ka shkaktuar të qeshura të shumta.
