Prej disa ditësh Ermal Mamaqi ka nisur xhirimet e filmit të tij më të ri “I Love Tropoja”.
Pjesë e tij janë bërë aktorë të njohur të skenës shqiptare dhe disa të tjerë janë emra të njohur që po eksperimentojnë për herë të parë.
Mes tyre Enca dhe Skerdi Faria.
Por nëse ju kujtohet, para se të nisnin xhirimet Ermal Mamaqi ka pyetur fansat e tij nëse dëshirojnë një bashkim të grupit SHBLSH dhe të gjithë u duk se mezi po e prisnin.
Ermal Mamaqi e ka bërë postimi me tendencë dhe sipas shenjave Julian Deda sapo konfirmoi pjesëmarrjen në film.
Xhirimet e filmit janë zhvendosur në Veri të Shqipërisë, në Valbonë dhe Julian Deda ka publikuar një foto ku shfaqet në atë vend.
“Në Valbonë. Pse do thoni ju?”-shkruan aktori krahas fotos.
Menjëherë pas kësaj në foton e tij kanë vërshuar komentet dhe të gjithë mendojnë se grupi i njohur do të rikthehet.
Nuk dihet ende nëse Gentian Zenelaj do të jetë pjesë, megjithatë duket se filmi ka shumë surpriza.
