Këngëtari Ermal Fejzullahu ka prezantuar më në fund motrën e tij Bulzën.
Arsyeja përse nuk kemi parë foto të tipit motër e vëlla, është se Bulza jeton në Amerikë me bashkëshortin dhe fëmijët.
Së fundmi si rrallë herë Ermali ka publikuar një foto me të në Instagram, ku ka shkruar disa fjalë zemre.
‘’Një motër është një dhuratë për zemrën, një mik i shpirtit dhe një fije e artë për kuptimin e jetës. Shihem prap së shpejti motër’’, ishin fjalët e tij përshëndetëse pas takimit të fundit me motrën.
Për ju që nuk e mbani mend, Ermal Fejzullahu ka dhe një vëlla të madh, Armendin, vokalisti i grupit Votra, i cili ndonëse nuk është shumë aktiv, po ndjek karrierën e tij si këngëtar në klubet londineze, ku edhe jeton.
