Edhe pse nuk ka mbaruar ende numërimi i votave, ka mbetur vetëm zyrtarizimi i Erion Veliajt si kryetar i Bashkisë Tiranë.
Veliaj ka marrë mandatin e dytë në Bashkinë e Tiranës, me një diferencë të theksuar përballë kandidatit tjetër, Arben Skënderaj.
Ai ka grumbulluar 151,505 vota, ndërsa kandidati i BD-së, Skënderaj 9,327 vota.
Madje, kryebashkiaku aktual ka arritur të fitojë 10% më shumë vota se Partia Socialiste, ose e përkthyer në vota, 15 mijë më shumë.
Kështu, duket se votuesit preferojnë më shumë Veliajn në Tiranë, sesa Partinë Socialiste.
