Aktori i humorit Erion Isai, pak javë më parë u emëruar drejtor i Teatrit të Kukullave, duke zëvendësuar Monika Lubonjën, e cila dha dorëheqjen nga ky post. Emërimi i Erionit si drejtor u shoqërua me një sërë polemikash dhe thumbimesh nga kolegët e tij ndër vite.
I ftuar në emisionin “Thumb” Erioni ka folur për herë të parë rreth këtyre polemikave, por ka zbuluar publikisht edhe se sa paguhet ai.
“Si pozicion pune është kategoria 2B që ka administrata shtetërore dhe paga është 100 mijë lekë të reja, pra një milion lekë të vjetra, por ama është një çështje përkushtimi, ku unë jam i lumtur të tregojë aftësitë e mia menaxhuese. Unë kam qenë shumë i paguar edhe në ‘Top Channel’ edhe në Këngën Magjike shumë shumë i paguar”, tha aktori i njohur.
Erionin pritet që shumë shpejt ta shohim edhe në një spektakël të ri, i cili do të vijë në bashkëpunim me aktorin Bes Kallaku.
