Prej disa kohësh në mediat online po përflitet se Bes Kallaku dhe Erion Isai së shpejti do të rikthehen në ekranet tona me një show të ri televiziv.
Fillimisht u përfol se ata do t’i bashkoheshin televizionit “Klan”, i cili është një ndër televizionet që ka pasur më shumë lëvizje përsa iu përket moderatorëve dhe gazetërëve të rinj, të cilët janë bërë pjesë e këtij ekrani.
Ndërsa ditët e fundit është përfolur se Erioni dhe Besi do të riktheheshin në shtëpinë e tyre të vjetër “Top Channel”, duke qenë se ata nuk ishin as pjesë e promos së programeve të “Tv Klan”.
Mirëpo në një prononcim për “Blitz.al” aktori dhe regjisori Erion Isai i ka hedhur poshtë zërat se do të rikthehen në ekranin e “Top Channel”.
“Jo, nuk do të jemi në ‘Top Channel’. Është çështje shumë shumë pak ditësh reagimi zyrtar se ku do të jemi”,- tha Isai pa zbuluar më shumë detaje.
Mendohet se pjesë e show-t të ri televiziv që do të sjellë Erioni dhe Besi, do të jetë edhe aktori Olsi Bylyku, i njohur nga të gjithë me personazhin e Kimikatit në spektaklin e “Portokallisë”.
Gjithsesi sikurse tha edhe Erioni na mbetet të presim dhe pak ditë për të zbuluar ekranin ku do i shohim aktorët dhe detajet e spektaklit të tyre.
