Në Klinikën “Nënë Tereza” në Shkup mjekët kanë konstatuar rastin e parë të koronavirusit në Maqedoni.
Mediat maqedonase shkruajnë se bëhet fjalë për një person që ka ardhur në Maqedoni nga Italia.
Bëhet fjalë për një grua, e cila u paraqit vetë në spital, pasi kishte ndjerë simptomat e virusit bashkë me dy persona të tjerë me të cilët kishte ardhur nga Italia.
Pasi janë kontrolluar, dy personat e tjerë kanë rezultuar negativë nga koronavirusi.
Lajmi është konfirmuar edhe nga ministria e Shëndetit.
