Këngëtarja shqiptare, Era Istrefi, ka lançuar së fundmi këngën me French Montanan “No I Love Yous”.
Teksa projekti u karakterizua me sukses të madh në skenën e muzikës evropiane, Era ka performuar para adhuruesve të sa në rrjetin social “Instagram”, një këngë të dytë, që pritet shumë shpejt ta publikojë.
Bëhet fjalë për një këngë kryesisht në gjuhën angleze, por ka edhe pjesë të tekstit në gjuhën shqipe.
Era Istrefi mori qindra komente përkrahëse nga adhuruesit e saj për këtë performancë të shkurtër të saj.
Këngëtarja pritet të sjellë së shpejti projekte të reja me yje tjera botërore, emrat e të cilëve do të lënë të shtangur publikun.
Tashmë projekti “No I Love Yous” ka marrë miliona klikime në rrjetin social “YouTube” dhe “Spotify” duke u pëlqyer nga publiku amerikan dhe ai evropian.
