Këngëtarja Era Istrefi bëri krenarë shqiptarët anembanë botës, pas pjesëmarrjes në bashkëpunimin më të rëndësishëm të karrierës së saj muzikore, në këngën “Live it Up” së bashku me Will Smith dhe Nicky Jam.
Por këngëtarja e këngës himn të Kampionatit Botëror të Futbollit më në fund, ka zbuluar edhe skuadrës e saj të preferuar në këtë kampionat. Mesa duket, zemra e Era Istrefit rreh për kombëtaren e Brazilit e këtë e tregon në profilin e saj në Instagram.
“Paçi fat @williamborges88 dhe të gjithë skuadrës së Brazilitt. Forca Brazil” – shkruan Era Istrefi në gjuhën portugeze.
Ndoshta për këtë tifozllik të zjarrtë të Erës për Brazilin, ka ndikuar edhe shoqëria e saj me futbollistin legjendë Ronaldinjo. Ata u takuan në xhirimet e këngës “Live It Up” dhe kanë mbetur miq të mirë.
