Pas suksesit në këngën himn të Kampionit Botërori të Futbollit, Era Istrefi po bëhet gati të pushtojë sërish botën me tingujt e këngës së saj më të re. Prej dy ditësh, këngëtarja e hitit “Bon Bon” ndodhet në Xhamajka, për të realizuar xhirimet e klipit të këngës më të re solo “Prisoners”.
“Prive” bën të ditur se Era shoqërohet nga kuratori i imazhit Astrit Ismalili, me të cilin ka bashkëpunuar që në hapat e para të karrierës së saj muzikore.
Në profilin e saj në “Instagram”, këngëtarja shqiptare ka ndarë disa momente gjatë xhirimeve, të këngës me ritme reggae. Era Istrefi shfaqet me flokët e zinj dhe të gjatë, teksa me veshjen e saj thekson linjat perfekte të trupit.
Një javë më parë, Era Istrefi publikoi versionin audio të këngës, që mund ta dëgjoni më poshtë:
