Këngëtarja me origjinë nga Kosova, Era Istrefi do të udhëtojë drejt Los Angeles këtë muaj për të punuar me disa këngë të reja.
Lajmin e ka bërë të ditur menaxheri i saj Faton Shoshi, i cili për Gazetën Express ka treguar se për këngët e Erës, do të kujdeset këngëtarja me famë botërore, Sia.
“Më 17 korrik do të udhëtojmë drejt Los Angeles ku do të qëndrojmë për 12 ditë. Në këtë vend, Era do të punojë me 3-5 këngë të reja dhe ndër to është edhe kënga e punuar nga Sia, e cila ka bërë tekstin dhe vijën melodike”, ka treguar Shoshi.
Po ashtu, ai zbuloi se përveç se me Sian, Era do të punojë edhe me producentë me të cilët punon këngëtarja Rihanna dhe me producentë të Justin Bieber. Shpresojmë që këto bashkëpunime të jenë çelësi i depërtimit të Erës në industrinë muzikore botërore.
