Mediat e huaja vazhdojnë të flasin për Era Istrefin, pasi vetëm para pak kohësh dëgjuan për herë të parë këngën e saj. Kënga “BonBon” u prezantua vitin e kaluar dhe prej asaj kohe nuk kemi dëgjuar me një projekt të ri këngëtaren.
MTV në Britaninë e Madhe postoi ditën e djeshme në “Facebook” një intervistë të Era Istrefit, ku e pyet lidhur me krahasimin si vajza e Rihanna-s dhe e Sia-s.
“Influencueset kryesore të muzikës sime kanë qenë Rihanna dhe Beyonce. Kur pashë postimin për mua si vajza e Rihanna-s dhe Sia-s, isha “Ok, do ta pranoj këtë”. Sigurisht është një kompliment, kush nuk do të pëlqente të tingëllojë si Rihanna?”, shprehet Era.
“Era thotë se shfaqja në dyqane në Shqipëri mund të jetë e ndërlikuar…”, pyet gazetarja, ndërsa ju do të mësoni se çfarë e lodh më shumë këngëtaren.
“Kam bazën më të madhe të fansave në Shqipëri. Nuk mund të iki as të blejë diçka për të ngrënë, sepse njerëzit duan që të më bëjnë fotografi. Më pëlqen ta bëj atë, por ndonjëherë ajo ndodh shpesh”, tregon Era.
Ndërkohë që i kujtojmë Erës që krahasuar me famën e shumë prej celebrities të huaj, ndoshta është herët që të “ankohet” për këtë fakt, në fillim të karrierës. Ajo u dallua javën e kaluar në një prej lokaleve të Tiranës, ku nuk u shqetësua nga asnjë prej fansave të saj.
Burimi: MTV/Iconstyle
