Ajo pranon më në fund se është në një lidhje! “Po, jam në një marrëdhënie tani dhe jam shumë e lumtur” pranoi Era Istrefi në një intervistë për radiotelevizionin francez NRJ.
Këngëtarja nga Kosova ishte e ftuar në programin e Sebastian Cauet, një prej figurave më të njohura të medias franceze.
Ajo e bën publike lajmin vetëm një ditë pasi mediat shkruajtën se Era është në një lidhje me menaxherin e saj, Faton Shoshi.
Pavarësisht kësaj, këngëtarja nuk ka përmendur asnjë emër, ndërsa mori një propozim në gjuhën shqipe nga Cauet, me fjalët: “Era, të dua!”.
Pas këtij dedikimi ai nxori një unazë duke thënë: “Kjo unazë është për ty. A do të flesh me mua?”. Një shaka të cilën këngëtarja nuk ka dashur ta vazhdojë duke i thënë “Jo”.
Istrefi performoi më pas live në NRJ këngën e saj “BonBon”.
*Shfletoni galerinë
