Era Istrefi dhe menaxheri i saj, Faton Shoshi, janë një nga çiftet më të përfolura që pas suksesit të këngës “Bon Bon”.
Prej kohësh përflitej se mes tyre kishte diçka më shumë se thjesht marrëdhënie profesionale, dyshime të cilat mbështeteshin dhe nga dedikimet që i bënin njëri-tjetrit në rrjetet sociale.
Por pas deklaratës së Robert Berishës, kunatit të Erës, se “kontrata me Fatonin ka mbaruar”, nisën spekulimet për një ndarje.
I pyetur nga gazeta “Panorama” rreth marrëdhënies së tij aktuale me Erën, Fatoni u shpreh: “Nuk është asgjë e vërtetë, nuk kam probleme me Erën”.
Edhe pse nuk janë parë më në shoqëri të njëri-tjetrit besojmë se mjafton ky sqarim i Fatonit për të thënë se mes tij dhe Erës gjërat janë mirë!
