Që Mozzik është një nga artistët më të komentuar të momentit kjo është pak, por e sigurtë.
Nuk do e tepronim nëse do thoshim se kjo ka qenë java e tij, pasi dy projektet e reja të publikuara prej tij po çmendin rrjetin dhe në You Tube kanë vërshuar lumenjë klikimesh.
Ndonëse ka 1 javë që është publikuar “Madonna” e bujshme që bëri lëmsh shqiptarët numëron 8 milionë klikime, kurse “PP” në bashkëpunim me Kidën numëron 2 milionë klikime, edhe pse ende nuk kanë kaluar 24 orë nga lançimi i saj.
Atëherë, çfarë ju bëri përshtypje nga ky raport?
Po, numrat janë 8 me 2 dhe kjo nuk i ka shpëtuar as vetë reperit, i cili e ka shpërndarë atë në Instastory, duke treguar në një mënyrë a tjetër se ‘ia ka bërë 8 me 2’ kolegëve.
Kujtojmë se ai po punon për albumin e tij të ri ‘MozzArt’ që pritet të publikohet i plotë shumë shpejt dhe me sa po shohim do jetë flakë.
