Një nga momentet që nuk duhet të humbnit në festivalin “Kënga Magjike” ishte pikërisht ajo e batutave të Bes Kallakut dhe Erion Isait, të njohura si “Gocat e Instagramit”. Por më e rëndësishmja: e qeshura e Dj Sardit!
Në një panel juristësh të përbërë nga Juliana Pasha, Venera Lumani, Olti Curri, Ulis Krajka dhe Sardi Shehu, të cilët do të gjykonin “Artistët e Rinj”, mes 9 konkurrentëve u ngjitën në skenë dhe Besi me Erionin.
Duke hyrë në rolin e tyre si “Gocat e Instagramit”, pas interpretimit nisën batutat me anëtarët e jurisë, të cilët i vlerësuan negativisht.
Prej këtij momenti Dj Sardi nuk ndalonte dot së qeshuri. Nga ana tjetër kjo stimuloi më shumë publikun që të qeshte pikërisht nga e qeshura e tij, ndërsa kamera ishte i fokusuar te ai. Besi i vendosur në rolin e dy vajzave konkurrente i tha:
“Te shkosh në hotel me ty, ti bërtet më shumë se ne”.
Ja disa nga batutat prej të cilave Dj Sardi “u shkri së qeshuri”:
Referuar pasthirrmave në këngë: “Ai refren na ka dalë nga shpirti. Ta dish t’i sa e kam nxjerr kokrrën e djersës”.
Për Ulis Krajkën, i cili shtypi jeshilen dhe jo të kuqen: “E shtypa unë mbrëmë atë. E kuptova që ishte pianist, se çfarë i bënte gishtave”.
Për humbjen e konkursit: “A më the kur vesh brekë të kuqe fiton? Ja pra s’fituam”. Përgjigjja e Besit: “Qyqja brekët! Stresi të raftë pika”!
