I ftuar në studion e “Wake Up” këtë mëngjes ishte baritoni Gëzim Myshketa, i cili së shpejti do të vërë në skenë operën “Carmen”. Moderatorja e këtij emisioni, Ori shprehu menjëherë dëshirën për të shkuar për të parë “Carmen”.
Eno dhe Isli duke u nisur nga fakti që si Gëzimi dhe Ori janë beqar, vendosën t’i lënë vetëm të dy në studio, me shpresën se ata mund të linin një takim me njëri-tjetrin.
Ndërkohë që në sfond ishte kënga “Perfect” e Ed Sheeran dy moderatorët braktisën studion.
Ori e pyeti baritonin Myshketa, nëse ka pasur ndonjë situatë të vështirë në jetën e tij dhe ai tha se nuk ka pasur asnjë moment të tillë.
Ndërsa si për ta ç’tensionuar situatën, Ori ka shkëmbyer një batutë me Gëzimin.
“Tani unë po pres të ma bësh ti ftesën për kafe apo ta bëj unë që të kënaqen ata të dy (Eno me Islin)”, tha duke qeshur Ori.
Ndërkohë që të dy moderatorët u rikthyen në studio, Gëzimi ju tha me shaka se kafen e kanë lënë në orën 19:30.
Ku i dihet mbase kjo lojë mund të kthehet në diçka të vërtetë për Orin dhe Gëzimin.
