“3 milion për 24 orë Madona dhe Maluma. Po cfarë janë Maluma dhe Madona përpara 1-shave të Shqipërisë”. Mjaftoi ky status i këngëtares Eni Koçit që portalet të zienin dhe të dyshonin se ky ishte një thumb për këngën e fundit të Dhurata Dora “Zemër” e cila arriti një rekord klikimesh brenda pak ditëve, por edhe për artistët e tjerë në përgjithësi.
Por sot, Eni me anë të një postimi tjetër sqaron edhe njëherë se ajo ka dashur të nënvizojë fenomenin e blerjes së klikimeve dhe në asnjë rast nuk ka përmendur emër konkret. Sipas saj blerja e klikimeve është një e vërtetë që dihet edhe nga një fëmijë.
Ja çfarë shkruan konkretisht Eni:
“Të dashur miq, disa gazetarëve u mjafton një reagim i imi për blerjen e klikimeve për të shpikur teori që askush nuk i merr vesh. Unë kam thënë një të vërtetë e cila tanimë dihet edhe nga një fëmijë. Ka pafund raste të blerjes që konkurencën e drejtë në muzikë e kanë kthyer në banalitet. Artisti jeton për respekt dhe audiencë reale. Si mund t’i thuash vetes artist kur blen audiencën? Ky është shqetësimi im.
Ka shumë artistët të mirë që i meritojnë milionat e botës, por ne kaq popull jemi. Pse nuk është gjë e çuditshme kjo? Maluma dhe Madonna që janë emra të mëdhenj të muzikës botërore arrijnë 3 milion për një ditë ndërsa shqiptarët kapin 1 milion në ditë, në mos më shumë.
Unë nuk kam përmendur asnjë rast konkret, por kam thënë një fenomen që shumë artistë të respektuar i ka demotivuar ose e kanë lënë këtë punë. Po, secili që ka blerë le të hidhërohet nga postimi im, ndërsa ata që i kanë reale mos të shqetësohen sepse e dinë të vërtetën dhe audiencën reale që nuk ua tjetërson askush”
Burimi: Instagram
