Ata arritën që të mbanin për dy vite romancën larg syve të publikut. Dhe sonte për herë të parë dy këngëtarët Eni Koçi dhe Genc Prelvukaj treguan historinë e tyre të dashurisë.
“Jemi njohur si artistë në distancë. Unë e kam ndjekur punën e Enit dhe ajo punën time. Pastaj u njohëm në një koncert në Amerikë. Kemi pasur disa koncerte të suksesshme atje. Pastaj vazhduam të komunikonim. Ky ishte fillimi i njohjes”, tregoi Genci në emisionin “Xing me Ermalin”.
Çifti u pyet edhe për planet e tyre për dasmën, ndërsa treguan se deri më tani nuk kanë vendosur akoma nëse do të jetë një ceremoni e madhe apo vetëm me të afërmit.
“Por pas ceremonisë që do të mbajmë, kemi vendosur që të bëjmë një udhëtim për një muaj në Amerikë. Kemi menduar që çdo ditë të vizitojmë një qytet”, tha Eni Koçi.
Ajo shtoi se dëshiron që të jetë një nuse e miksuar mes tradicionales dhe modernes.
