Anglishtja është shumë e rëndësishme, sidomos kur personazhet e skenës shqiptare marrin pjesë në evente me shumë vlera dhe prezantohen si imazhi i vendit tonë. Duket se Eneda Tarifa nuk i ka kushtuar aspak rëndësi këtij fakti, por vetëm këngës së saj.
Ajo u zgjodh si përfaqësuesja e Shqipërisë në “Eurvision Song Contest 2016” dhe përgatitjet për këtë garë i ka nisur prej disa ditësh. Në një intervistë për ESCKAZ (Eurovision Song Contest Knowledge from A to Z), ajo nuk doli aspak mirë, pasi përgjigjet e saj ishin thuajse të pakuptueshme fare.
Vështirësia e saj me anglishten duket se është jo vetëm me të folurin, por edhe me të kuptuarin. Ndërsa kulmi arriti kur në një moment gjatë intervistës, Eneda thërret asistenten e saj, Dhuratën, të cilës i kërkon ndihmë për të kujtuar një fjalë anglisht.
Pasi më në fund përfundon fjalinë, këngëtarja shqiptare i kërkon me një anglishte të lodhur gazetarit dhe kameramanit që ta presin këtë pjesën në montazh.
Nëse prezantimi i saj në skenë do të jetë i ngjashëm me intervistën, përfundimisht do t’i sugjeronim këngëtares që të vazhdojë profesionin vetëm si aktore humori.
