Florinda Loki na ka bërë krenarë që të gjithëve. E reja nga Shqipëria është vetëm 19 vjeç dhe ka arritur që të fitojë vendin e tretë në një kompeticion bukurie në Turqi.
Bukuroshja jeton në Bruksel me familjen e saj, ku ndërkohë ajo vazhdon edhe studimet e saj. Jo vetëm kaq por në një lidhje “Skype” me “Abc e Mëngjesit”, Florinda ka rrëfyer se ëndrra e saj është bërë realitet.
“Ishte një lloj krenarie për mua, një ëndërr që të konkurroja si Shqipëria, edhe mu bë realitet. Shkova atje dhe nuk e prisja që të merrja vendin e tretë. Ja dola me punë dhe me krenari. Isha e vetmja shqiptare atje. Çdo vajzë përfaqësonte vendin tim. Nuk doja të përfaqësoja Belgjikën ku edhe jetoj. Edhe do ma kërkonin nuk do pranoja, se jam rritur me dy prindër shqiptarë. Unë jam akoma në shkollë të mesme për estetik, jam në vitin e fundit. Jam make up artiste. Unë kam tre diploma, shkollën e mesme, estetikën, edhe licencën për të hapur punën time. Lyej klientat e mija në shtëpi. Babin e kam nga Tropoja, mamin nga Elbasani. Por kur vij, rri në Durrës dhe Tiranë në shumicën e kohës”, ka rrëfyer bukuroshja 19-vjeçare ndër të tjera.
